圖：泰緣妙佛堂慈善團體日前設宴款待超過650位長者及傷健人士
平安夜去夜街並唔係後生仔嘅專利，一班長者都可以有好多好節目！話說泰緣妙佛堂慈善團體就喺啱啱過咗嘅平安夜搞咗個「慶祝成立兩周年暨敬老愛心千歲宴」，免費款待超過650位65歲或以上嘅長者同埋傷健人士享用素宴，一齊歡度平安夜，但係今次無去到嘅朋友，都唔好失望住，呢個慈善團體仲會喺明年二月農曆新年期間，喺觀塘再搞多一次敬老盆菜宴，咁多位老友記唔好錯過喇！
泰緣妙佛堂慈善團體主席衍龍師傅當晚致辭嘅時候就話，泰緣妙一直致力促進傷健共融、長幼共融，例如每逢農曆初一同十五都會向長者派米，仲會幫長者、傷健人士同埋低收入人士進行免費家居維修服務，每年受惠者近一萬人次，寄語大家要多啲支持傷健人士融入社會，令社區更添和諧，締造更美好嘅香港。
敬老盆菜宴將於明年2月25日喺觀塘翠屏邨舉行，公眾可以透過致電泰緣妙佛堂慈善團體（2372 9899）查詢詳情。
