圖：「繽紛體育基金會」早前贊助「慶祝香港回歸20周年暨健康體育綜合嘉年華」，基金主席周琳（右）獲主辦單位致送感謝旗
伍聲最近收到風，繽紛體育基金有好嘢益學生！呢個致力推廣體育活動、幫助及促進市民身心健康發展嘅基金，繼早前贊助咗慶回歸20周年暨健康體育綜合嘉年華、岱宇台中國際馬拉松2017等嘅運動盛事，最近推出咗個「校園體育展繽紛資助計劃」，專係資助學生參與體育活動，資助計劃嘅目的係希望可以培養學生對體育活動嘅興趣，獎勵體育運動表現出色嘅學生，同埋發掘同資助具運動潛質嘅學生作進一步嘅訓練。
成個計劃總共有三大資助類別：一係資助全日制學校體育訓練及比賽開支，最高可以拎到兩萬蚊資助；二係嘉許體育表現達標及出色的學生嘅運動員獎學金；三係資助具潛質及以精英運動員為目標嘅學生，畀佢哋用喺訓練、比賽及器材開支，上述兩項最多可以有一萬蚊資助。有興趣嘅學校，只要打去繽紛體育基金嘅電話2381 5330辦理申請手續，填妥申請表及所需文件，以郵寄或者電郵方式繳交就可以啦。
