圖：有人認為「二叔公」的稱號來自「易縮公」
弟：大佬，我做法國紅酒生意個朋友同我講，佢有批貨平靚正，問我有無興趣入番啲喺香港推喎！
兄：香港有鬼得推，我內地有朋友，推返大陸就差唔多。不過，啱啱應承咗你阿嫂同佢去歐洲玩，所以要留番一筆。就係咁，要搞都要搵人夾至得。細佬，咁預你一份嘞！
弟：你知我「餐搵餐食餐餐清」㗎啦，邊有錢夾吖！不如搵隔籬「二叔公」商量下，睇佢有無興趣？
兄：嗱，一世人兩兄弟，有錢齊齊搵，分三份，你嗰份我幫你諗掂佢喇！
弟：冇嘢講，大佬真係「唔話得1！」
兄：咁一份要幾多呀？
弟：我諗三幾萬都得喇啩！
兄：咁你呢世都唔使諗佢嘞！
弟：點解呀？你咪話「二叔公」好「易話為2」
