鍾國斌向大家介紹當地外交部為他們安排的防彈車。
大公網7月27日訊 放暑假，香港人最鍾意去外遊，立法會一班議員都唔執輸去咗以色列，不過佢地唔係去玩，而係去考察當地嘅創科工作。
鍾國斌抵埗後到訪近日發生騷亂的耶路撒冷舊城區，市面一片平和。
議員們一行九人，上個星期六晚出發去以色列耶路撒冷，雖然當地舊城區近日有少少騷亂，不過考察團成員一樣無有怕，好似自由黨黨魁鍾國斌抵埗後，就喺facebook為大家直擊舊城區實況，都相當和平，之後又介紹當地外交部安排俾佢地嘅防彈車，仲講笑話無人真係想證實架車係唔係真係防彈呀。
議員們參觀開發、供應圖書館自動化系統的ExLibris公司。
經民聯主席盧偉國都有同大家分享佢地考察嘅所見所聞，好似到訪以色列風險投資基金，聽佢地介紹當地創業基金界嘅發展，分享點樣為發展蓬勃嘅高科技產業提供融資；又到訪開發、供應圖書館自動化系統嘅ExLiis公司，了解佢地發展歷程同點樣打開國際市場，原來香港好多間大學同圖書館都係用緊佢地系統架。
