大公網7月17日訊 記者龔學鳴報道：你有freestyle(即興說唱)嗎?相信立法會應該無咩人會有嘅，但係樂器呢，就有唔少議員識啦！有啲議員仲好鍾意音樂添！新民黨容海恩(Eunice)今日係facebook發帖，話音樂總係有種讓人着迷嘅魔力，早前一班嚟自滬江小學和匡智張玉瓊晨輝學校嘅同學仔去咗立法會，為大家帶來多首樂曲，其中包括受中國四大名著啟發嘅《紅樓夢組曲》和大家耳熟能詳嘅日本動畫《天空之城》主題曲。
Eunice又話，同學仔嘅音樂乾淨純粹，呈現出穿透人心靈嘅魅力，讓觀眾隨着旋律跌宕起伏而投入到一場奇妙旅程，反璞歸真。有來自特殊學校嘅同學仔僅僅學咗一年音樂便已經能演奏出動人心弦的樂曲，好叻仔。Eunice仲話，其實自己都係音樂人，因為小學五年級就可以學小號，鄭晴都想睇下Eunice表演呢。
