陳健波拍短片向大家分享可謂「37A」！
大公網5月25日訊 如果有留意立法會財委會直播嘅朋友，可能成日都會聽到會上提「37A」呢個名詞，但未必明白係咩嚟。財委會主席陳健波（波哥）最近就拍片，喺網上同市民分享乜嘢係「37A」。
波哥話，其實「37A」即係立法會財務委員會第37A條，即係喺財會審議某項目期間，委員可以無須預告動議一項議案。波哥話，以前只會有幾個議員提一至兩項「37A」，不過後來反對派為咗拉布，竟然試過提出1000條「37A」，如果處理1000項「37A」就要30幾個鐘，非常過分。
波哥後來提出「37A時間表」，喺會上叫議員盡早將「37A」交畀波哥同秘書處處理，即場亦會接受少量「37A」，盡量平衡議會效率同議員發言權，可惜仲係有反對派唔領情，繼續鬧波哥。片段結尾仲有波哥發言嘅小笑料，至於有咩好笑喺度就唔講住，留返你自己睇啦。
