大公產品

首頁 > 文化 > 正文

港東港西:麥美娟新髮型煎糕迎新年

時間:2017-01-11 08:05:45來源:大公網

  Alice嘅新髮型都幾清新!

  大公網1月11日訊 農曆新年就嚟到,鄭晴尋日就同工聯會立法會議會麥美娟(Alice)傾開,佢話過新年最鍾意係食蘿蔔糕同年糕,不過佢自己就無咩心機自己整,一般都係買街外面,又或者係朋友送畀佢。

  唔講你都未必知,原來Alice對食都幾有要求。佢話,佢最鍾意將啲年糕切得薄一薄,再沾上厚厚嘅蛋漿香煎就最正喇。Alice話佢新年嗰幾日,如果喺屋企唔駛出去拜年,都會叫屋企嘅工人幫手煎糕,年糕同蘿蔔糕各煎一半,仲會擺滿用嚟蒸魚嘅碟。咁大份嘅煎糕,Alice竟然可以一個人食曬全部!最重要嘅係,就算Alice新年咁樣食完,佢都只係會輕輕增磅。其實,以議員平時嘅工作咁忙碌,應該好快就消耗曬呢啲糕點,又點會有得增重。

  另外,呢排Alice轉咗個新髮型,係一個日式嘅齊陰蘑菇bob頭,感覺幾清新。Alice話因為成日畀人話佢個樣惡,所以同髮型師傾嘅時候叫佢諗諗新意思。其實Alice平時一啲都唔惡,做委員會主席時發言仲幾搞笑添。 

最新要聞

最新要聞

最受歡迎