圖：一班主禮嘉賓喺活動開幕儀式上大玩「自拍」
長者影相呃Like無難度！話說深水埗街坊福利事務促進會聯同深水埗區各街坊會之前為區內長者，舉辦智能手機理論班，教授手機攝影技巧，最近仲搞咗個長者攝影作品展覽會暨嘉年華，公開展出超過500名學員嘅攝影作品，啲相靚到就連嚟觀賞嘅市民都忍唔住問：「嘩！用手機影㗎？」呢班「老友記」認真出色！
活動當日，中聯辦九龍工作部副部長王小靈都有嚟到現場主禮。今次展覽作品係以「欣賞香港」為主題，展示出長者眼中的香港，當中拍攝題材唔少都係香港嘅旅遊景點，同埋大街小巷富有特色嘅歷史建築物等等。除咗展覽之外，會場仲設置遊戲攤位，又備有非洲鼓、中西流行曲表演，吸引好多市民入場參與。
