林健鋒一日內食咗五隻唔同口味嘅粽
大公網5月31日訊 尋日係端午節，唔少立法會議員都有食粽應節，不過大家對食咩粽都好有研究，好似獨立嘅立法會議員何君堯就話自己鹹同甜嘅粽都鍾意食，不過佢最鍾意嘅鹹粽要夠清新，有蛋黃吊味已經夠，唔需要加肉！
民建聯立法會議員蔣麗芸（Ann姐）食嘅粽就更加有特色，佢會將紅豆粽先蒸至半熟，再切片沾蛋漿煎嚟食！Ann姐話呢種煮法整出嚟效果相當唔錯，大家想玩新意思，出年都可以跟Ann姐試下煎粽。
而經民聯立法會議員林健鋒（Jeffery）就以量同類取勝，佢尋日早餐同午餐都係食糉，仲食咗廣東鹹肉粽、鹼水粽、唔同口味嘅上海粽同紹興大粽！不過Jeffery始終覺得都係傳統簡單嘅鹹肉粽最合佢口味，因為係由細食到大嘅味道，而且佢都係鍾意傳統嘅人。
鄭晴聽到林健鋒食咗咁多粽都有啲擔心佢，不過Jeffery話佢唔係一個人食曬咁多隻，而且食完都有做運動燃燒熱量。
