當年無線的「新五虎」難得台上合唱(發相)

　　大公網5月14日訊（記者 溫穎芝）古巨基紅館演唱會昨晚進入第四場，基仔請來過去TVB的好拍檔新五虎做嘉賓，包括古天樂、吳家樂、劉愷威，何遠恆，齊齊合唱《當年情》，繼而合體重影當年舊照片，其間四人還大跳古天樂曾經最hit就拜神舞《今期流行》，觀眾爆笑。

　　古仔上台後就叫班兄弟企前少少，笑言這是案發位，企前少少安全些。之後就大讚基仔厲害，夠堅挺。基仔即笑道: 「我巨肌嘛！」古仔笑說:「哦，你就係落台個下靠條巨肌撐撐所以冇事呀！」基仔搞笑回應: 「係呀，我動L咁彈番轉頭，哈哈哈.....」吳家樂也加入 : 「唔怪得 lorraine 跟你咁多年啦！」惹來全場大笑。

古仔偕其他成員到台下握手,惹來哄動(發相)

　　接着基仔播出五虎當年的舊合照，並叫工作人員拿道俱上台，要與五虎重影一張一模一樣合照留念，四虎亦大談對基仔的印象。

　　古仔說 : 「基仔好飲得。好識做蛋糕…整餅。好跌得囉 ，咁都可以繼續撐落去好野！」何遠恒指基仔係一個好男人，古仔笑窒他說：「我最近睇新聞，你同個咩彩樺散了…係咪那晚我們約食飯你冇出現，去左滾所以散呀？」何遠恆即刻耍手擰頭，笑指不談這些。

「新五虎」重演當年的經典合照(發相)

　　不過最令觀眾興奮，都係四虎問觀眾想聽咩歌時，觀眾大叫「男朋友」，「今期流行」等等古仔的歌名，現場即響起「今期流行」的音樂，古仔聽到之後即指着控制台監製錢個偉的位置話，「肥仔，你不是玩嘢呀？」而何遠恆，吳家樂已經隨着音樂大跳古仔當年的拜神舞，令觀眾笑聲歡呼聲四起。之後基仔出來，與四虎一齊唱住「我愛毛查查」一邊同觀眾握手，氣氛高漲。