大公報訊9月5日(陳惠芳)袁詠儀承認是個口不擇言的人，最近她接受奇妙電視「天下第一Friend」節目訪問時，再度爆料指「四條廢柴愛打牌」！究竟廢柴是誰？連她老公張智霖當然榜上有名，其次包括郭富城、沈嘉偉和一位圈外朋友。 

​靚靚自認口不擇言

　　靚靚笑爆嘴說：「點解他們是廢柴？因為他們玩起來好廢！譬如Chilam今日同我講：今晚去打牌呀！我問他：點解呀？他答：阿王（指郭富城）明天走啦！翌日Chilam又同我講：今晚去打牌呀！我問他：點解呀？他答：阿王（指郭富城）返來啦！你話廢唔廢？」靚靚指這四個男人的友誼建立了超過廿年，平時各有各忙各自在事業上拼搏，但一有時間聚首打牌，就玩到好廢！ 

靚靚比前收斂

　　靚靚不但口不擇言，還目中無人，最近她便被爆當年曾得罪成龍和王晶，靚靚坦言：「以前哥哥（張國榮）同梅姐（梅艷芳）都話過我，哥哥仲話：花無百日紅，要我檢點啲，但我把口硬係快過個腦！」Chilam熟知她脾性，為免她在不適當的場合爆出不適當的話來，有時會捉到她實一實，靚靚笑道：「老公都怕了我！」 

　　靚靚和Chilam結婚十六年，仍夫妻恩愛，被問到如何將感情保鮮？靚靚說：「最緊要不要覺得理所當然！如果對方要變，肯定自己都有問題，所以要積極求進步，不要做一個被嫌棄既人！」今時今日Chilam已是男神，財來自有方，但當年他和靚靚拍拖時，卻被指「女尊男卑」，靚靚承認說：「以前我都不時聽到啦!但我記得一句說話：寧欺白鬚公，莫欺少年窮，如今證明我無買錯這個藍籌啦！」