據指心穎bb買到單位後，與發展商鄭智榮合照

　　大公網5月27日訊(記者梁穎賢)藝人愛磚題，新盤頻頻現「星」蹤。繼nice到爆的羅仲謙昨日現身荃灣海之戀售樓處後，今日開賣的啟德天寰，輪到疑似暗交男神馬國明的黃心穎(心穎bb)鬼祟現身。心穎bb戴上黑色口罩躲於經紀背後有心避傳媒，其代理更當正心穎bb大明星出巡，居然向發展商要求改行特別通道，更以手及工文袋遮擋及推開記者相機，心穎bb全程低頭「無面見人」，大陣象由代理及發展商職員護航下成功進入電梯，亦沒有接受傳媒訪問，唔知以為保護高官政要，與羅仲謙大方接受訪問及主動向傳媒揮手的nice爆表現簡直無得比。

　　避到傳媒卻避不過經紀，據指心穎bb成功選購單位，應邀除罩與發展商合照。心穎bb你太年輕了，只要有代理嘅地方係唔會有秘密，合照當然野外流出，所以話呢，嚟得賣樓實有人認得，遮乜鬼。

　　市場消息指心穎bb成功買入2座低層B室，實用504方呎，兩房間隔，折實價約855萬元，呎價16964元，據指買入自住。亦有指心穎BB一口氣買入兩伙，除上址外，尚包括2座中高層F室，實用460方呎，折實近802萬元，兩伙共涉資1656萬元，相當有米，不過此乃市場消息，有待證實。