張繼聰親熱戲夠火，直言拍時有壓力
大公網1月23日訊（記者陳惠芳）鄭丹瑞（旦哥）自導自演之雞年港產賀歲片《小男人週記3之吾家有喜》於年廿九上映。
今次《小3》除了旦哥夥拍周秀娜及鄧月平 (Larine)，重振小男人30年雄風外，飾演賤佬的張繼聰片中亦有驚喜演出，特別係同蝦頭楊詩敏狂野調情，令人拍案叫絕。
片內講述Larine和BabyJohn （蔡瀚億）撻着，Larine更獻出銀幕初吻，但同時阿聰又帶蝦頭去餐廳廚房親熱，大講有味笑話。
其實這場戲是《小3》煞科戲，阿聰直言拍時有壓力，因為導演對這幕戲有期待，「但拍得好開心、好好玩嘅，搽曬油，我都成日搽油架啦，濕濕碎。我和蝦頭是演藝學院師姐弟，但電影是第一次，蝦頭在我心目中是好好的喜劇演員，大家試戲都忍不住笑，但由於一take過，我們選擇較癲方法去做。」蝦頭還笑說：「我們在戲中互相挑逗，特別開心同有火花。我是鍾意邵子風多過張繼聰，但我都鍾意張繼聰老婆，我是阿Kay (謝安琪)粉絲，他們兩公婆我都好鍾意，他們sweet。」
