基仔替觀眾補鑊
大公網12月27日訊」(陳惠芳)今個聖誕節古巨基去了美國舉行「古巨基我們世界巡迴演唱會」，門票早就極速售罄。為了迎接聖誕，演唱會在當地25日凌晨一點才開騷，一開場基仔就以快歌辣㷫全場，跟着唱了多首經典金曲，觀眾high足全場。
期間基仔在演唱會上大爆自己同古太的情史，更捉了三對情侶上台，對他們進行大逼供，要他們自爆情史，其中一個男觀眾不覺意間自爆響結婚前試過好多女仔，嚇到基仔連忙幫他補鑊，幫口為其老婆說：「是試過同幾個女仔拍拖～先至最終遇上最好的妳！」到encore環節，基仔突然從觀眾席出現，現場的歌迷瘋狂湧向基仔，握手之餘還觸摸其面及身體，令基仔寸步難移，要提早返上台，但觀眾不肯返回座位，站在台前不肯走，更有觀眾熱情在握手時想拉基仔落台，令基仔失平衡坐在台上，之後基仔又同全場觀眾進行facebook直播，大唱聖誕歌普天同慶。
基仔險被歌迷拉下台
基仔稱節日開騷與大班人一齊過氣氛特別好，但因要在凌晨一點開始，加上擔心時差想睡，開騷前特別飲了幾樽能量飲品打底，怎料觀眾的熱情融化了睡魔，結果唱到凌晨四時才完騷。
