香港這個安全城市，唔係得個講字嘅！有實在嘅數據支持。昨日政務司司長張建宗出席撲滅罪行委員會酒會時說，香港去年總體罪案同暴力罪案數字，分別創下自1978年同1971年後嘅新低，每十萬人口錄得827宗罪行嘅罪案率，更係過去44年以來最低。2017年頭八個月，治安都有改善，整體罪案數字有37802宗，較舊年同期嘅40038宗減少2236宗，下跌百分之五點六。
至於大家好關心嘅騙案，警方有咩方法對付呢？張建宗話，警方今年成立了「反詐騙協調中心」，仲設立二十四小時熱線「防騙易18222」。市民一遇到可疑電話或電郵，或者查詢有關騙案，就可以致電。值得高興嘅係，「反詐騙協調中心」成功攔截幾十宗騙案中已匯出嘅騙款，市民最終都無財物損失。鄭晴真係覺得警方的成效好抵讚啊！
