圖：喺理大校慶MV嘅主題曲見到校長唐偉章同幾位副校長粉墨登場 網上圖片
生日快樂！香港理工大學創校80周年喇，喺呢個咁開心嘅日子，校長唐偉章尋日宣布理大未來一年將舉行連串慶祝活動，「打頭炮」就會係今早舉行《培育人才．建構實力．支援一帶一路發展》國際論壇，仲邀請到教育局局長吳克儉做主禮嘉賓，而晚上舉行校慶啟動禮，就有政務司司長林鄭月娥同教資會主席唐家成「助陣」。
理大又邀請到「星級」校友、樂隊「C AllStar」成員陳健安（On仔）為校慶嘅主題曲作曲，聯同兩位校友作詞及編曲，歌曲名為《Shape the Future》，由「C AllStar」主唱。鄭晴尋日有機會率先欣賞MV，見到校長唐偉章同幾位副校長喺MV中粉墨登場，同一班有份演出嘅同學仔打成一片。
理大由今日起至明年底陸續舉辦多個校慶活動，好似有「高爾夫球邀請賽」、多場諾貝爾獎得主講座、《泰晤士高等教育》「創新與影響高峰會」等等，至於壓軸「重頭戲」就係明年12月舉辦建校80周年晚宴。
