大公產品

首頁 > 港聞 > 正文

陳振英專業知識捍衛納稅人荷包

時間:2017-08-10 03:15:16來源:大公網

  立法會日常審議香港民生大小事,不過原來複雜嘅文件、議程都唔係咁容易睇得出潛藏嘅問題,好似陳振英作為金融界議員,就以佢銀行家嘅專業,多次幫納稅人捍衛荷包。

  陳振英喺銀行做過好多唔同部門,每次都係老闆點名問佢試唔試,例如做過為銀團貸款嘅商人銀行部、負責管理中國分行嘅港外業務管理部、業務支援部、戰略規劃部,亦做過銀行前台副總、升至董事會秘書,而家成為顧問,幾乎所有部門都做過。陳振英自言對數字比較敏感,加上累積多年嘅專業知識,晉身立法會後,睇政府文件時,發現過唔少錯漏,佢就運用銀行運作嘅心得,分析大小撥款利弊,為討論帶來新觀點。

  陳振英認為,功能組別議員喺專長議題可以一展所長,所以佢集中參加自己熟悉嘅委員會,好似財經事務委員會咁,一般都係主席金服界張華峰、副主席會計界梁繼昌、保險界陳健波同佢自己出席得較多,未必每位議員都好似佢哋咁,願意花大量時間睇文件質詢官員。

最新要聞

最新要聞

最受歡迎