聽日11月12日係國父孫中山誕生150周年，為紀念呢位偉大嘅愛國主義者同中國革命先驅，香港郵政聽日推出一套四枚嘅紀念郵票，而內地、香港同澳門三地郵政，當日仲會罕有咁共同發行一款紀念套摺，入面附有三地郵政發行嘅整套紀念郵票，每套四枚即係一共12枚郵票，極具收藏價值，鄭晴都好想買來收藏下。
孫中山同香港淵源深厚，唔單止喺香港接受教育，仲喺度萌生革命思想，香港呢一套四枚郵票，以油畫方式描繪不同時期嘅孫中山，包括1.7元嘅求學時期、2.9元嘅青年時期、3.7元嘅中年時期同埋五元嘅晚年時期，背景配合不同嘅建築物，以反映佢喺香港留下嘅足跡。
