圖：EQ開Facebook LIVE，由幾位民建聯議員講返立會現場發生咩事，畀市民第一時間睇到呢班反對派議員嘅醜態/網上圖片
玩Facebook直播已成為近期議員同網民交流嘅「指定動作」，尋日梁游喺反對派護航硬闖立法會議事廳嘅混亂場面期間，民建聯議員葛珮帆（EQ）就好淡定即時開Facebook LIVE，鏡頭輪流對住幾位民建聯議員講返現場發生咩事，畀市民第一時間睇到呢班反對派議員嘅醜態，唔少網民見到都不滿反對派嘅惡行，同時仲讚EQ反應快，識得利用社交媒體！
相反，網民對青年新政嘅Facebook直播就一面倒圍插，鬧爆游蕙禎同梁頌恆兩個「小學雞」辱華又搞「港獨」，無資格做議員，仲話「你果然低智！咁嘅場合仲玩直播」。其實網民嘅反應都反映得到民心所向，好心游蕙禎唔好以為自己仲係好受歡迎啦，風頭火勢仲開Facebook，簡直係自取其辱，難為佢哋仍然不知悔改。
