圖：大批市民自製多款諷刺梁游道具
青年新政候任議員梁頌恆和游蕙禎，選舉初時有市民讚佢哋係「議會新世代」，又邊有人估到，佢哋「未入閘」就已經淪為過街老鼠，人人喊打！
尋日「反辱華反港獨」大聯盟集會入面，大批市民自製多款諷刺梁、游嘅道具，有人將佢地放上箭靶，直線抽擊佢哋係「眾矢之的」，受萬箭穿心；有人就將佢哋Key（合成）做日本人，指佢哋係漢奸、走狗、賣國賊等等，甚至再難聽啲嘅都有！
鄭晴就話，呢兩人「一朝得志語無倫次」，有無人教過佢哋有啲底線堅決不能觸犯㗎，今次「未入閘」已犯眾憎，都要引用網路金句勸下佢哋，「少年你太年輕了，位，並唔係咁上嘅」。
