-
圖：民建聯非常擔心選情/資料圖片
近期各個陣營對立法會選舉滾動民調都十分不滿，鄭晴和同事其實次次睇個民調也都跌曬眼鏡。而家我哋聽講，民調在多區唱好嘅民建聯也非常擔心選情。好似參選「超級區議會」嘅民建聯主席李慧琼（Starry）和港島直選嘅副主席張國鈞（Horace）在多個民調中都被指支持度足夠穩取一席。聯想起上次選舉參選「超區」嘅劉江華也曾經一度被民調捧成大熱，結果江華最後卻意外出局，民記中人話畀鄭晴知，如果選民被極度不可信嘅民調誤導投票，意外絕對再有機會發生，因此，希望民建聯支持者千萬唔好走票。聽講民記仲有一樣好擔心嘅就係「一人兩票」點投票嘅問題。上屆選舉之後，現時還有選民對投票有疑惑添，因為有啲消息好混亂，地區人士反映有選民以為地區直選可以選兩席，「超區」可以選兩席添。民記就希望做好宣傳，讓街坊千祈唔好投錯票咁話。
已報名參選「超級區議會」還有：周浩鼎、王國興、陳琬琛、梁耀忠、塗謹申、鄺俊宇、關永業、何啟明。已報名參選港島區還有：郭偉強、葉劉淑儀、許智峯、陳淑莊、鄭錦滿、羅冠聰、司馬文、王維基、沈志超、詹培忠、徐子見、何秀蘭、劉嘉鴻、黃梓謙。
