去嗇色園黃大仙祠參拜，唔一定要等初一十五，或者係上頭炷香嘅日子。尋日國慶假期黃大仙祠就舉行開放日，仲開放咗平日不設公眾入場嘅太歲元辰殿，仲有舞龍醒獅表演，吸引咗大批善信到場，人頭湧湧，香火鼎盛。
現場仲有唔少「打卡位」，最搶眼一定係約米半高、放滿上上籤嘅巨型籤筒啦，唔少男女善信都爭住影相。此外，場內仲展示黃大仙100支靈籤的籤文，同大家分享每支籤文的故事及含意，更設求籤步驟和方法之資訊板，鄭晴都希望大家抽到大仙嘅上上籤啦！
