特首林鄭月娥尋日上任滿三個月，佢喺facebook發帖分享過去三個月到訪過的海內外創科機構。林鄭仲話，過去三個月嘅特首生涯，講得多嘅係教育、房屋，但學得多嘅係創科。佢話，科技應用除咗可以為香港經濟注入新動力，又可以幫助解決社會問題，既為青年人開拓更多優質工作，又較適合青年創業。「我相信香港有優勢，但仍須政府推動同埋支持。我會點樣幫香港喺創科之路急起直追，大家請留意我喺10月11日公布嘅《施政報告》啦！」講到明會有新方向，睇怕香港好快唔會再畀人話，最in都係得張八達通卡喇掛！
特首為香港人盡心盡力，前排仲重感冒，有網民就喺佢facebook好體貼咁留言話：「喜見你一直不停地去各地取經及製造商機給予香港人。繼續努力但要保重身體。」而市民對林鄭的第一份《施政報告》仲有好多不同期望。當然講得最多的都係房屋問題，有網民話，「期望有好房屋政策出現！讓香港市民安居樂業。」
