圖：施家三兄弟尋日出席「反辱華、反港獨」集會
尋日「反辱華、反港獨」集會雲集各界名人，鄭晴發現，前全國政協文史和學習委員會副主任施子清嘅三位公子施榮懷、施榮恆及施榮忻都有現身。曾擔任「保普選反佔中」大聯盟發言人嘅施榮懷今次又再擔任「反辱華、反港獨」大聯盟副召集人，佢尋日以香港北京交流協進會會長身份上台發言，話工商界人士今次紛紛企出來表達意見，都係為咗香港好，又呼籲大家要敢於站出來，為香港未來盡一分力量。本身是全國青聯副主席嘅施榮忻就以香港全國青聯委員協進會聯席主席嘅身份，代表香港全國青聯委員喺集會上發聲。佢話，游、梁辱華挑釁言論極其可恥，絕不能原諒姑息，認為呢種人難以在莊嚴議會內為社會工作。而同樣公職多多嘅施榮恆尋日係來為滬港經濟發展協會站台。正所謂「兄弟齊心」，施家三兄弟如此落力反「港獨」，梗係會「其利斷金」啦。
