坐骨神經痛復發，搞到葉劉淑儀行部路都唔係咁舒服。
大公網4月26日訊 坐骨神經痛係唔少都市人嘅常見病患，而且隨住年紀漸長，患上風險更加上升。好似立法會議員葉劉淑儀（葉劉）今日就因為坐骨神經痛舊患復發，所以行步路都一拐一拐。
原來葉劉今朝着衫嗰陣唔小心扭親，令佢坐骨神經痛舊患復發。葉劉話，佢早幾年同個女喺美國深造嘅時候已經患上坐骨神經痛，當時痛到連返大學上堂拎書包同揸車都做唔同，要由個女代勞。葉劉當時試過唔同嘅治療，到後來喺唐人街有華人認得她，介紹佢搵前保安局局長黎慶寧嘅表妹針灸，醫咗幾個月先好返。
而家舊患復發點算好？葉劉話，今次唔洗飛返去美國搵醫師，因為之前有區議員已經介紹咗個針灸師傅畀佢，佢過幾日就會上去做針灸架喇。
