圖：葉劉淑儀（左）大讚袁彌昌（右）學識豐富 新民黨fb圖
新民黨尋日宣布，聘任袁彌昌（Derek）為政策總裁，即日上任。新民黨主席葉劉淑儀大讚對方具備豐富學識及國際視野，過去十年一直從事學術研究及大學教育工作，相信其加盟能為新民黨嘅政策研究工作注入年輕且獨立嘅新思維。
現年39歲嘅Derek，擁有英國雷丁大學戰略研究博士、英國倫敦經濟及政治科學學院國際關係碩士學位，並為香港大學社會科學榮譽學士，現職中文大學全球政經碩士課程講師，以及中央政策組特邀顧問。
Derek嘅妹妹係前人民力量主席袁彌明，不過兩人嘅從政之路好唔同。
Derek早前曾加入走中間路線嘅「民主思路」，亦曾撰文批評「佔中」同旺暴。
