圖:「龍匯100」挑選一百名全球華裔青年領袖赴內地考察/大公報記者林良堅攝
由龍傳基金主辦、華潤電力贊助的「龍匯100」尋日辦出發禮,仲挑選咗100名18至25歲來自全球華裔青年領袖參加,今明兩日除咗喺香港同深圳參加世界青年創業論壇之外,仲會到河南考察四日,探索國家創新科技同可持續發展!
基本法委員會副主任梁愛詩、龍傳基金主任楊鐵樑、董事藍鴻震、華潤集團副總經理馬璐等都出席亮燈儀式。
青協總幹事兼龍傳基金董事王䓪鳴就風趣咁講,到河南參觀少林寺等歷史文化景點,唔好掛住切磋功夫,年輕人應藉此了解源遠流長嘅中華文化。
梁愛詩呼籲一眾華裔青年,可趁呢個機會去前海等地方同青年交流創新技術,甚至睇下國家發展嘅人工智能;當然要認識下我國5000年歷史文化,進一步發揮中華民族嘅年輕力量。