大公產品

首頁 > 产品 > 港东港西 > 正文

鬍鬚愛奸角

時間:2017-02-17 03:15:15來源:大公網

  圖:曾俊華自爆自己最鍾意《神奇四俠》入面嘅奸角/設計圖片

  特首選舉參選人曾俊華(鬍鬚)尋日接受英文《南華早報》facebook直播訪問。被問到最喜愛嘅Marvel漫畫角色,自爆自己最鍾意《神奇四俠》入面嘅奸角「Silver Surfer」(銀魔),又話銀魔內心有矛盾,有爭議性,唔係完全嘅好人同英雄。

  鄭晴查過下資料,發現銀魔嘅造型都好普通下,全身銀色,攞住一塊銀色滑浪板,無咩好犀利嘅武器。為了拯救自己嘅星球,甘心成為大奸角「Galactus」(行星吞噬者)嘅奴僕,當得到行星吞噬者賦予嘅力量後,自己嘅記憶、善惡、良知同道德觀就完全消失,一度要入侵地球,被神奇四俠打敗後就做咗好人。鬍鬚咁鍾意銀魔,唔通係覺得自己同銀魔嘅身世都有啲相似?原因就得佢自己至知喇。

最新要聞

最新要聞

最受歡迎