圖：內地播緊金庸嘅《射鵰英雄傳》大受歡迎
內地而家播緊《射鵰英雄傳》，深受觀眾歡迎，飾演黃藥師嘅三哥苗僑偉更加被網民譽為「地表最型」，可見金庸嘅作品真係經得起時代考驗，第七次改編都仍然成為網民熱話。
各位金庸粉絲有福了，因為香港首個以金庸為主題嘅展覽館將於三月喺香港文化博物館正式揭幕。
今次開幕禮，仲專登搵埋資深傳媒人陶傑同埋李純恩，分享一下佢哋同金庸相處嘅點滴。陶傑、李純恩同金庸相交多年，對於金庸筆下嘅武俠世界、人文精神、哲學思想、人性剖析、藝術手段等都有切實而透徹了解，相信市民獲益良多。
咁交流會係幾時舉行呢？就係三月五號下午三點至四點半，喺文物博物館一樓劇院舉行，名額得三百個，有興趣嘅讀者記得致電21808260報名啦！
