圖：已經退出咗熱血公民嘅朱寶生，涉襲警尋日被拘捕\資料圖片
已經退出咗熱血公民嘅朱寶生，涉嫌於去年八月九龍城兆基創意書院立法會選舉論壇外嘅衝突中襲警，尋日被警察上門拘捕。22歲朱寶生前年因為去書展傻等未出版嘅台灣女藝人「雞排妹」寫真集，而被封為「頭號粉絲」並成為網紅，曾經喺法院外襲擊政見不合的人士被判社會服務令，之後佢仲「反轉豬肚」接受傳媒訪問話對社運心灰意冷，力數「熱狗」不是。
回想當晚熱血公民上街示威，講到為道義撐兄弟，鬼咁動聽，但朱生今次被捕，昔日嘅「手足」，教主、皇上之流粒聲都唔出，明顯已用完即棄，一早割席。鄭晴都好替朱寶生呢類被影響誤咗前途嘅「熱血青年」可憐，奉勸仲迷信緊「港獨」、「熱狗」嘅後生仔女，係時候醒醒啦。
