圖：「香港品牌節．北京」系列活動揭幕\大公報記者湯淩琰攝
為慶祝香港回歸二十周年，香港中華廠商會準備咗一系列活動，加強同內地嘅聯繫，由年頭到年尾好戲不斷。廠商會聯同香港品牌發展局一起主辦嘅「香港品牌節．北京」，將逾百個香港品牌帶到首都。尋日廠商會會長李秀恆同香港品牌發展局主席黃家和，一齊為「香港品牌節．北京」剪綵，揭開活動嘅序幕。
品牌節活動以「『喜．愛香港』，品牌聚京城」為主題，於6月27日至7月2日舉辦，李會長話，呢次選址北京，是經過深思熟慮嘅。李會長講到，北京為全國經濟、政治、文化中心，正正是香港品牌走向華北以至全國市場的平台。仲有，北京當地擁有高端消費群，周邊城市均以北京商業文化「馬首是瞻」，實在是品牌推廣的好地方啊！咁好嘅地方，舉辦活動都要使唔少錢喎。鄭晴就八到，李會長都幾頭痛下，因為人工高，場地貴，服務費嘅開支都不少啊。但而家已獲得香港特區政府「BUD專項基金」資助500萬，品牌局同廠商會亦注入超過80萬配對資金。
