圖：劉國勳尋日就趁新春去沙頭角同吉澳行咗個大運
沙頭角禁區從前就是封閉的地域，謝絕遊人進入，只允區內居民在此安居。政府自從2012年起解禁咗小部分區域，神秘面紗才掀起一小角，但普通市民如果不是公事或探親訪友，仍然好難申請到禁區紙進入核心內圍㗎。不過，民建聯立法會議員、北區區議員劉國勳（Edward）就因為工作關係，可以攞住禁區紙「自由出入」呢度，佢尋日就趁新春去沙頭角同吉澳行咗個大運，仲搭埋傳說中的「洗頭艇」，用自己方式離開香港添？
Edward話，其實架「洗頭艇」只係由沙頭角碼頭去離島吉澳嘅船，當中會經過水警駐守基地，當然出入都要出示禁區證喇。佢仲話，其實吉澳風景非常清幽怡人，唔少日本、歐洲遊客都專程由馬料水碼頭搭兩個鐘船去，不過因有禁區紙關係，佢先可以由沙頭角碼頭坐船去十幾分鐘就到。
Edward就建議，政府可以開放多啲禁區範圍，好似設立假日港人前往禁區的配額、將部分沙頭角及吉澳的廢棄村屋改建成民宿，等港人有機會一窺禁區神秘面紗之餘，亦可以順道過吉澳遊玩，順道帶旺當區經濟。
