圖：鄧家彪一早陪囡囡踩單車去吐露港
工聯會離島區區議員鄧家彪（Bill）有一個得意囡囡。身為爸爸，阿Bill當然會抽時間陪伴囡囡去玩，但公務繁重，到底佢係點樣平衡呢？原本阿Bill應承囡囡尋日陪佢玩足一日，但早前一間健身中心突然倒閉，佢需要十一點半陪同苦主去到觀塘警署報案。
遇上呢個兩難問題，阿Bill就決定壓縮時間，一朝早八點陪啱啱識踩單車嘅囡囡踩去吐露港，之後再去水警碼頭玩。兩父女仲有時間去番廣福食個早餐，之後阿Bill就陪苦主報警。佢仲應承囡囡，話搞掂所有公務之後就趕返去陪囡囡食下午茶呢！工作盡責，照顧囡囡又細心。呢個爸爸真係唔話得啦！
