大公產品

首頁 > 产品 > 港东港西 > 正文

玩玩下順手牽貓太萌都有錯 全城「救參」

時間:2017-02-09 03:15:18來源:大公網

  圖:疑被偷走的小貓「財仔」\網上圖片

  疑似偷貓女賊出沒注意!話說大埔大明里一間海味店,飼養咗貓女「財仔」,名副其實係招財貓,因為萌到爆燈,街坊又叫佢做「海參BB」。近日「財仔」不見了,店主當然好擔心,仲報埋警,已經列作盜竊案。

  幸好「天眼」恢恢,過程被拍下來。星期一下晝大約五點三,有個中年姨姨,疑是「有備而來」,俯身逗「財仔」玩,玩玩下仲抱起佢,即刻放入背心膠袋帶走。熱心網民尋日喺facebook群組發帖尋貓,仲上載咗多張相,實行借助「fb大神」號召全城尋貓。網民更發帖呼籲中年姨姨歸還貓咪,亦有網民留言,說黎姓店主非常擔心貓貓安危!

  黎姓店主更向傳媒道出一段人貓情。去年年底,毗鄰燒味店的母貓生下幾隻小貓,黎獲贈其中一隻貓女,取名「財仔」,寓意為店舖「招財」。上星期六有對男女路過,見「財仔」戴了頸箍,話黎有虐畜之嫌,佢先將頸箍解下。勢估唔到事情會變成咁,希望「財仔」無事啦!

最新要聞

最新要聞

最受歡迎