圖:星星局長(左)尋日「佳人有約」,桃花樹下遇阿姐
中西情人佳節花好月圓,環境局局長黃錦星尋日經已「佳人有約」,桃花樹下遇阿姐(汪明荃)!千祈唔好誤會,星星局長其實只係借阿姐宣傳政府嘅回收桃花計劃,呼籲大家禮拜六起,將唔要嘅桃花拎去回收!
按照中國傳統習俗,年花其實一般擺到正月十五就枯萎需丟掉。為咗唔造成浪費,環保署同食環署喺本月11日至14日,舉辦桃花回收活動,大家可以將桃花送去37個指定垃圾站同6個廢物轉運站回收,循環再造成園藝用的覆蓋物及堆肥等物料。活動咁有意義,連大嘥鬼都話「唔嘥嘢、惜花愛環境,人緣旺到調景嶺」!
情人節將至,正當男士們嘥緊精力,諗送咩花、咩禮物畀阿BB之際。鄭晴建議大家循環保呢方面入手,疼錫女朋友,亦都疼錫地球。至於單身嘅你,當然要提高嚇自己嘅環保意識喇。你睇!星星局長仲型過「家英哥」!