大公產品

首頁 > 产品 > 港东港西 > 正文

戴妖又搞「投票」 隨時爆私隱 反對派都叫人唔好投\鄭晴

時間:2017-02-08 03:15:10來源:大公網

  「佔中」三丑中人稱「戴妖」嘅戴耀廷,尋日啟動所謂的「2017特首民間全民投票」計劃,呢啲間唔中做一做嘅小動作,本已被當成一個笑話,今次仲要畀「泛民」組織「前線科技人員」公開呼籲千祈唔好投票(右圖),仲講到明有好嚴重嘅保安漏洞。「戴妖」又一次獻醜人前!

  「前線科技人員」尋日係facebook發帖,話今次投票系統需要取得投票者嘅Telegram認證碼。如果有開啟雙重認證,系統更要求取得密碼。理論上,相關人士可以讀取投票者的Telegram內所有信息。「前線科技人員」仲話,呢個係一個好嚴重嘅保安漏洞,呼籲大家千祈唔好投票。「全民投票」計劃嘅專頁急急腳發咗個澄清,仲話系統絕對不會傳送任何和投票無關的資料到任何地方,但完全迴避咗有冇讀取投票者Telegram內的信息呢個重要問題囉。話時話,鄭晴好唔明,咁簡單嘅嘢都搞唔掂,「戴妖」仲好意思喺度指點江山?

最新要聞

最新要聞

最受歡迎