圖：預算案咁啱喺觀音借庫日發表，市民梗係期望政府派多啲「糖」\資料圖片
每年正月廿六係觀音借庫嘅大日子，唔少善信都會把握機會向觀音娘娘祈求財運，新一年凡事順利。而新一份財政預算案將於今個月22號發表，咁啱就係觀音借庫嗰日，唔知市民又會期望政府響未來一年派幾多「糖」呢？
即將發表嘅財政預算案，係現屆政府最後一份預算案。新任財政司司長陳茂波早前就講過，今次份財政預算案會「應使則使」，推出平衡同合適嘅措施，令本港經濟響雞年能夠繼續保持增長。社會上有意見認為，政府目前庫房「水浸」，應該推出短期措施，紓緩市民嘅生活壓力；亦有人認為政府嘅目光要放遠啲，為經濟注入新動力。財爺今次會點「派糖」，大家拭目以待喇。
