圖：梁志祥響應環保，舊利是封派利是\大公報記者張月琪攝
「恭喜發財！利是來！」尋日民建聯梁志祥（祥哥）開完記者會就向在場記者大派利是，鄭晴見到款款利是都唔同樣，又有Hello Kitty，又有壞蛋獎門人，原來祥哥話佢今年支持環保，收集咗啲舊利是封嚟派利是。
問到佢收集咗幾多舊利是封，佢就歸功返老婆，話利是封呢啲嘢係佢老婆打點，「我都唔知佢喺邊度執啲舊利是封㗎，不過就環保啲囉，上年新嗰啲都用唔曬！」
祥哥又預計今個新春，荷包勢將「大出血」，事關新正頭走咗好多場活動，預備咗比上年多咗成倍利是。問到有冇用到五位數，祥哥就話不便透露，但係就預備咗成500封咁話。
