單身嘅朋友仲參加飯局Speed Dating搵返另一半，係咪已經過咗時呀？鄭晴尋日聽聞，喺科學園舉行咗香港首個Speed Dating速配馬拉松「Run Day One Date」，雖然話係單身速配活動，賽事分設情侶同埋單身速配組別，有150對情侶攜手跑完三公里。
600名單身男女先通過「破冰遊戲」，製造交流機會，避免尷尬。如果遇上心儀對象，單身男女就可以將各自嘅魔術貼手帶黐埋一齊，代表配對成功，可以一齊跑步到1500米水站，兩人都可以選擇更換對象。情人節仲有一星期，唔知尋日有幾多單身男女喺情人節前「脫單」呢？
