渣打馬拉松在即，戰衣近日陸續發放。今年戰衣換咗供應商，但尋日攞衫後竟有唔少「跑友」在網上抱怨。
點解呢？有網友就話，「今日去取Tee，一肚氣，大會唔理你係咪合身，硬係大一個碼」；亦有網友話，「有圖有真相，今年L碼（大碼）同舊年M碼（中碼）差唔多」。有資深「跑友」就話，因為今年的戰衣材質特別輕薄，所以感覺size會大啲。無論如何，「戰衣」啱size，跑起來都舒服好多了，希望主辦單位同贊助商可以好好處理呢個問題。
