圖:Vincent孖住太太參加渣馬嘉年華
一年一度的渣打馬拉松將於星期日舉行,好多選手已經準備就緒,希望今年繼續突破自己。鄭晴知道,民建聯深水埗區區議員鄭泳舜(Vincent)同太太都係長跑好手,參加渣馬好多年,今年亦不例外,繼續挑戰。Vincent尋日孖住太太,參加渣馬嘉年華,順便拎埋當日嘅「戰衣」!
唔止咁呀,Vincent為咗嚟緊嘅星期日以最佳狀態出戰,尋日傍晚就預先來個賽前「預演」,只用咗1小時55分鐘,就跑咗18.3公里,連佢嘅朋友都忍唔住喺Facebook讚嘆:「咁會唔會太勁?」雖然Vincent對呢個紀錄似乎頗滿意,但仍然話新年食得太多,未來幾日都要跑多幾轉,找咗條年糕數,希望以最FIT狀態示人咁話,叫跑友們都要加油添!