大公產品

首頁 > 产品 > 港东港西 > 正文

民建聯九龍東「新春財神巡遊」

時間:2017-02-02 17:35:32來源:大公網

  民建聯立法會議員柯創盛及李慧琼向市民拜年。大公報記者林少權攝

  大公網2月2日訊 民建聯主席李慧琼(Starry)同立法會議員柯創盛,連同觀塘支部同黃大仙支部今日帶埋財神一齊喺觀塘同黃大仙巡區,上晝行觀塘嘅公共屋邨同屋苑,下晝密鑼緊鼓去黃大仙嘅街頭同街市,同九龍東嘅各位街坊拜年!

  Starry喺活動開始前同大家致辭,佢提到柯創盛一向都好關心九龍東嘅公共設施不足,民建聯除咗同大家拜年,仲時常將市民關心嘅議題放喺心上。Starry又提到民建聯早前提出對新特首嘅期望,希望各位參選人可以積極回應。

  柯創盛就祝香港人六六大順、身體健康,香港繼續繁榮穩定。佢又呼籲特首參選人落區睇嚇,希望佢地可以更加貼地,掌握民情嘅重要,特別應該關心嚇九龍東嘅安老同交通問題。

  民建聯嘅一行人之後就先去安達邨嘅茶樓,又同財神去到雜貨舖,黃大仙大成街市同大家拜年,將上上籤送畀大家!

最新要聞

最新要聞

最受歡迎