年初二車公誕,民建聯周浩鼎(Holden)應邀出席車公廟活動,其間同一班鄉議局成員上香一幕,引起部分網民爭議。有網民聲稱,Holden身為天主教徒,唔應該有呢啲舉動喎。Holden尋日接受網媒訪問時,解釋話事件只係一單小風波,而出席車公誕儀式係中國人嘅習俗,佢自己對天主教信仰非常堅定。不過呢,佢留意到事件令公眾產生反應,有可能係基於大家對事件唔太了解,承諾日後會小心處理同樣情況。
啲反對派網民就係咁樣,最鍾意小題大做,將一件小事無限放大,然後上綱上線。既然Holden話留意到日後小心處理,證明佢反應夠快,希望Holden新一年能夠順順利利,大吉大利。