圖：唐唐妙用「雞」同大家拜年\網上圖片
終於踏入雞年，鄭晴再次恭祝大家心想事成，萬事如意。不過點樣祝福朋友同時，又要同「雞」扯上關係，就考起鄭晴啦！話雖如此，全國政協常委唐英年就諗得好周到，不得不寫個服字。
唐唐尋日喺微博發帖，祝願大家新年進步、身體健康、家庭和睦。公雞喺日出時候啼叫，象徵黑暗過去，黎明再現，重新出發，母雞生蛋孵出小雞，代表生命活力，美好前程，欣欣向榮。所以不論公雞、母雞，恰如其分就係好雞。唐唐最後仲祝願香港未來一年政通人和、經濟繁榮、社會穩定。舊年發生咁多暴力衝擊，希望雞年能夠真係平平安安，社會能夠有一番新氣象啦！
