圖：經民聯一班區議員同陳肇始（中）見面，要求保障哺乳媽媽權益\經民聯提供
早前母乳餵哺引起社會關注，尋日一班經民聯區議員，包括油尖旺區議會副主席黃舒明、區議員黃建新、區議員陳少棠，同埋經民聯青委會副主席林顥伊，聯同「BB要開餐」召集人陳香蓮，尋日同食物及衛生局副局長陳肇始見面，提出咗三個訴求，保障哺乳媽媽合法權益。第一就係要求政府研究就母乳餵哺立法，喺公私營場所中設立母乳育嬰室。第二就係要求官方設立母乳餵哺手機應用程式，加設找尋18區母乳育嬰室的定位服務。第三就係社區舉辦推廣「母乳友善社區」活動。
陳肇始就話，局方已經聽到坊間要求政府就母乳餵哺研究立法嘅聲音，仲話會作出研究，食衛局亦全力支持社會各界舉辦推廣「母乳友善社區」活動，感謝經民聯協助推廣有關工作喎。母乳餵哺係天經地義，希望政府可以與時並進，保障哺乳媽媽嘅合法權益啦！
