圖：CY話三歲多的白花魚，重四斤多，已經可以收採魚鰾 網上圖片
特首梁振英尋日發表一篇叫「繼續支援本地水產養殖業發展」嘅網誌，話尋日同食物及衛生局局長高永文、立法會漁農界議員何俊賢，同埋香港漁民團體聯會主席張少強到大嶼山一個養殖白花魚漁排參觀，場內嘅白花魚主要係收採魚鰾，製成產值高嘅白花膠，並混養石斑和黃鱲䱽。養殖場負責人同CY講，呢個項目除咗引入技術和品種外，需要嘅時間成本亦相當高。以白花魚為例，魚苗成長到適合收採魚鰾需時最少要三年，因此要提升養殖場嘅競爭力及可持續發展，政府嘅支援對佢哋非常重要。
CY強調，自己一直重視香港漁業發展，連同之前去過流浮山高科技室內龍躉養殖場、元朗養烏頭嘅大魚塘，加埋今次漁排，可見漁農業發展潛力。CY仲話，會繼續支持業界，為行業增值，同時為香港市民提供更多本地優質水產，同時為香港做到「百業興旺」。
