圖：Starry喺直播向觀眾講解反對派搞亂局嘅最新發展，但期間畀一舊雲搞亂
尋日反對派喺行政長官答問會又搞事，搞到答問會秩序混亂，最後仲要腰斬添。民建聯葛珮帆（EQ）都知道大家關注會內情況，所以喺休會嘅時候做網上直播，畀大家睇下會入面嘅最新情況。
反對派真係搞開有條路，搞完會議連做直播都唔放過！民建聯主席李慧琼（Starry）喺直播向觀眾講緊事態嘅最新發展，呢個時候人民力量嘅陳志全竟然拎住印有特首梁振英同宣布參選嘅林鄭月娥道具埋嚟「攝鏡」，又喺後面大嗌大叫，民主黨黃碧雲（一舊雲）見到又過嚟追住Starry講嘢，仲鬧民建聯副主席陳克勤，話佢係「擦鞋仔」先有得問問題喎。克勤之後喺直播好客氣咁幽佢一默，話一舊雲原來做咗咁耐議員都唔識撳掣輪候發言，真係笑大人個口。
EQ之後又問商務及經濟發展局局長蘇錦樑點睇，蘇局長就覺得成件事係浪費緊大家時間，消耗議會資源，又話有唔少項目等緊上唔同嘅委員會，有撥款等緊提上財委會，會被呢類「拉布」影響，希望大家可以同心合力，搞返好香港經濟。
