圖：劉鳴煒話會同青年人坦誠交流
前日嘅施政報告提到，希望青年事務委員會就青年發展政策提供意見，估唔到政府尋日就約咗委員會同埋相關政策局、青年人、青年發展工作嘅持份者一齊去傾。有男神之稱嘅青年事務委員會主席劉鳴煒就話多謝政府邀請，明白而家嘅青年面對愈嚟愈多挑戰，佢同埋委員會將會全力以赴，同青年人以及其他青年發展工作者緊密連繫，坦誠交流，做好呢份工作。佢仲話，政府啱啱發表嘅「本屆政府的青年發展工作」小冊子，可以畀青年知道政府過去做過啲咩工作。
另外，男神又話委員會繼續舉辦海外交流活動，提供更多內地交流同埋實習機會畀青年，以及加強與青年人、地區組織、學生團體與志願機構嘅連繫，籌備各種適合青年嘅活動。鄭晴都希望聽到多啲好消息啦！
