工聯會今年一共舉行咗三場「關懷全港獨居長者」團年宴2017，而且每場都請到粒粒巨星！尋日就有食物及衛生局局長高永文出席！
三場團年宴總共招呼咗1500位長者，最重要唔止係可以飲餐茶、食個飯咁簡單。農曆新年係一個中國人特別注重嘅大日子，尤其係一家聚首一齊食餐團年飯，不過社會上有好多獨居長者因為無親人，就令佢哋失去咗一餐團年飯嘅意思，於是工聯會前幾年就開始搞呢個活動。
除咗各位長者坐埋一齊食飯，工聯會仲會邀請不同高官，包括今個月10號嗰場，就請到特首梁振英出席、而前日出席嘅就有政務司司長張建宗，可以同長者交流，聽聽佢哋心聲，仲可以充當下吉祥物，同長者合照一番；再加埋每年都有飲食集團出錢出力贊助。工聯會仲邀請埋黃大仙區中學學生義工，照顧長者之外，仲可以溝通下，希望做到長幼共融、尊師重道，認真有意思㗎！
