大公網1月17日訊 過氣嘅黃毓民(癲狗)又同支持者發生罵戰? 話說網台MyRadio節目《第八視覺》主持人邀請咗曾經批評「港獨國師」陳雲嘅人做嘉賓，一班陳雲信徒、熱狗支持者就好唔高興，不斷炮轟癲狗創立嘅 MyRadio，有啲人仲呼籲話罷交月費添。其中陳雲信徒葉政淳，連日嚟不斷炮轟MyRadio，甚至係facebook「封鎖」癲狗。癲狗尋晚就係網台 節目瘋狂還擊，就話個主持人都走啦，「咁我同你交咩代啫?你啲人要我交代?」言談間仲不斷爆粗添，佢又話，管呢個台係梁錦祥，另一個係Marco。邊個郁 佢兩個，即係郁癲狗，又話邊個話罷交月費，邊個就係佢敵人喎。
睇見信徒被人鬧，「港獨國師」今日就係facebook暗寸癲狗，話就話同癲狗肝膽相照，論厚道，癲狗係佢長輩，永遠都係癲狗做厚道角色，佢就做 串串貢嘅角色，如果癲狗唔厚道呢，佢就要做厚道角色。「長輩退下，唇亡齒寒，到時我要被迫做和事老，就今次XX了。」暗寸癲狗退落嚟嘅意思都好明顯。癲狗 同人反面嘅例子多不勝數，今次陳雲嘅城邦派同癲狗即將決裂，真係歷史在笑！
